დღეს, 13 იანვარს, 17:00 საათზე გერმანიის ბიზნეს ასოციაცია (DWVG) და საფრანგეთის ბიზნეს საბჭო - საქართველო (FBC) ევროპული კომპანიებისა და საქართველოს ფინანსთა სამინისტროს მომავალი ურთიერთობების თაობაზე მრგვალ მაგიდასთან დისკუსიას მოაწყობენ.
ღონისძიება თბილისის გერმანულ სახლში (ელენე ახვლედიანის აღმართი #4). გაიმართება.
განსახილველი თემები: ახალი საგადასახადო კოდექსი; ფინანსთა სამინისტროს ახალი მომსახურება; სამართლიანი შემოსავლების მიღება; შემოსავლების სამსახურის ინიციატივა, გამჭირვალობა და საზოგადოების ინფორმირება
მრგვალი მაგიდის სტუმრები იქნებიან: ფინანსთა მინისტრი კახა ბაინდურაშვილი, ფინანსთა მინისტრის მოადგილე რუსუდან კემულარია და შემოსავლების სამსახურის წარმომადგენლები
შეგახსენებთ, რომ `საფრანგეთის ბიზნეს-საბჭო საქართველოში" დაარსდა 2008 წლის 14 თებერვალს. მის მიზანს წარმოადგენს საქართველოში ღია საბაზრო სისტემის ხელშეწყობა და საფრანგეთსა და საქართველოს შორის ბიზნესურთიერთობების გაღრმავება, რაც მნიშვნლოვან წვლილს შეიტანს საქართველოს საერთაშორისო ვაჭრობისა და ინვესტიციის განვითარების, მოდერნიზირებისა და გაძლიერების მიმართულებით. საფრანგეთის ბიზნეს საბჭოს მნიშვნელოვანი მისიაა მცირე და საშუალო საწარმოების დახმარება და მათთვის საექპსპორტო შესაძლებლობების უზრუნველყოფა.
