13 -15 იანვარს თურქეთის რესპუბლიკის ქალაქ ტრაბზონში პირველი შავი ზღვის აუზის ქვეყნების ტურისტული გამოფენა გაიმართება, სადაც "სტუმარ რეგიონად" აჭარის ავტონომიური რესპუბლიკა არის მიწვეული.
აჭარის ტურიზმის დეპარტამნტის ინფორმაციით, გამოფენაში რეგიონიდან მსხვილი სასტუმროები, აჭარის საინვესტიციო დეპარტამენტი, ტურისტული სააგნტოები და აჭარის სავაჭრო სამრეწველო პალატა მონაწილეობს.
გამოფენას ოფიციალურად აჭარის სახელმწიფო ცეკვის ანსამბლი გახსნის.
13 იანვარს კი, აჭარაში არსებული ტურისტული სააგენტოებისა და სხვა ტურისტული ობიექტების წარმომადგენელთა 60 კაციანი დელეგაცია ბათუმიდან ტრაბზონში გაემგზავრება. მათ შესაძლებლობა მიეცემათ, 1 დღის განმავლობაში, დაათვალიერონ გამოფენა და დაამყარონ კონტაქტები სხვა ტურისტულ ობიექტებთან.
