სოფლის მეურნეობის სამინისტროს ინფორმაციით, 2010 წელს ქვეყნიდან 160 ათას 560 სული ცხვრის ექსპორტი განხორციელდა, მაშინ როდესაც 2009 წელს საქართველოდან საზღვარგარეთ 267 ათას 144 სული ცხვარი გადაიზიდა. სტატისტიკური ინფორმაციის თანახმად, 2010 წლის განმავლობაში ყველაზე დიდი რაოდენობით ცხვარი სომხეთში გავიდა, სადაც გასული წლის განმავლობაში 53 ათას 195 სული ცხვარია გაყვანილი. ცხვრის ექსპორტის მოცულობის მიხედვით მეორე ადგილზეა ირანი, სადაც გასულ წელს 40 ათას 392 ერთეული ცხვარია ექსპორტირებული.

ქართულ ცხვარზე მზარდი მოთხოვნა იყო ასევე აზერბაიჯანშიც, სადაც 2010 წლის განმავლობაში ექსპორტიორებმა 23 ათას 381 სული ცხვარი გაიყვანეს.

გასულ წელს ქართული ცხვარი გაყვანილია ასევე არაბეთის გაერთიანებულ საემიროებში (1850 ერთეული), ერაყში (3341 ერთეული), ლიბანში (14297 ერთეული), ქუვეითში (17110 ერთეული), სირიაში (5500 ერთეული), ყატარში (1494 ერთეული).

2010 წლის განმავლობაში ადგილობრივ ბაზარზე ცვრის ფასი 120 ლარიდან 180 ლარამდე მერყეობდა. წლის განმავლობაში ცხვრის ექსპორტი ძირითადად ივლისიდან იზრდება, რაც მუსულმანურ ქვეყნებში რამადანისა და ჰაჯის დღესასწაულს უკავშირდება.