ქართული სუბტროპიკული ხურმის რეალიზაცია უკრაინის, სომხეთის, ბელორუსისა და მოლდოვას ბაზრებზე განხორციელდა. აჭარის სოფლის მეურნეობის სამინისტროს ინფორმაციით, 2010 წელს რეგიონიდან საზღვარგარეთის ქვეყნებში 7 618.1 ტონა სუბტროპიკული ხურმის ნაყოფი გავიდა. სტატისტიკური ინფორმაციის თანახმად, უკრაინაში - 6502.7 ტონა (90,5 %), სომხეთში - 470.5 ტონა (6.2%), ბელარუსში - 303,3 ტონა (4%) და მოლდოვაში - 341,7 ტონა (4.3%) ხურმის ექსპორტი განხორციელდა.
სუბტროპიკული ხურმის ექსპორტირებას 40-მდე ფიზიკური და იურიდიული პირი ახორციელებდა. აჭარიდან ხურმის ექსპორტით დაკავებული იყო ასევე მსხვილი ექსპორტიორი კომპანიებიც, როგორებიცაა შპს `სხალთა XXII" (3380.3 ტონა), შპს `გლობალი~ (386 ტონა), შპს `ციტრობათკომპანი~ (406.9 ტონა), შპს `ნასტია და იაკობი-2010~ (408.5 ტონა), შპს `ძმები ბერიძეები~ (257.8 ტონა) და სხვა.
აჭარიდან სუბტროპიკული ხურმის ექსპორტი საზღვაო ტრანსპორტით განხორციელდა.
აღსანიშნავია, რომ სუბტროპიკული ხურმის დამზადება ხდებოდა როგორც აჭარაში, ისე საქართველოს სხვა რეგიონებში, ძირითადად გურიაში, იმერეთსა და სამეგრელოში.
2010 წლის სეზონზე მოსახლეობიდან სუბტროპიკული ხურმის შესასყიდი ფასი ხარისხის მიხედვით 45-50 თეთრს შეადგენდა.