ეკონომიკისა და მდგრადი განვითარების სამინისტრო "ძმ. ზუბალაშვილების სახელობის პედიატრიული კლინიკას" ყიდის. სამინისტროს ინფორმაციით, შპს "ძმ. ზუბალაშვილების სახელობის პედიატრიული კლინიკას" სახელმწიფო საკუთრებაში არსებული 100% წილის საწყისი ღირებულება 340 ათასი ლარია და მის გასხვისებას ვერა ქობალიას უწყება 25 იანვარს დაგეგმილ აუქციონზე შეეცდება.
სამინისტროს ინფორმაციით, "ძმ. ზუბალაშვილების სახელობის პედიატრიული კლინიკას" 115 ათას 856 ლარის დებიტორული და 22 ათას 276 ლარის კრედიტორული დავალიანება გააჩნია. კლინიკის საწესდებო კაპიტალი 160 ათასი ლარითაა განსაზღვრული. პირობებიან აუქციონში გამარჯვებული სუბიექტი ვალდებულია შპს "ძმ. ზუბალაშვილების სახელობის პედიატრიული კლინიკას" 7 წლის განმავლობაში პროფილი უცვლელად შეუნარჩუნოს.