ნატო-ს გენერალური მდივნის, იენს სტოლტენბერგის თქმით, ევროპა და ნატო მზად უნდა იყვნენ იმისთვის, რომ უკრაინაში ომი, შესაძლოა ათი წელიწადს გაგრძელდეს. მაგრამ მისი აზრით, სიტუაციის პარადოქსი, ის არის, რომ რაც უფრო დამაჯერებლად აჩვენებენ დასავლელი მოკავშირეები, რომ მზად არიან ხანგრძლივი ომისთვის, მით უფრო სწრაფად შეიძლება დასრულდეს იგი.
BBC-თან ინტერვიუში შეკითხვაზე, მზად უნდა იყვნენ თუ არა ნატო-ს ქვეყნები იმისთვის, რომ უკრაინის ომი, შესაძლოა, ათ წელზე მეტ ხანს გაგრძელდეს, სტოლტენბეერგმა უპასუხა: „დიახ“.
„მაგრამ აქ მთავარი ის არის, რომ რაც უფრო მეტად დავუჭერთ მხარს უკრაინას და რაც უფრო დიდხანს ვიქნებით მზად მის დასახმარებლად, შესაძლოა, მით უფრო სწრაფად დასრულდეს ომი. პარადოქსი ის არის, რომ პრეზიდენტ პუტინს ახლა სჯერა, რომ მას შეუძლია ჩვენი გადაღლა. ამიტომაც გრძელდება ომი. როდესაც ჩვენ ძალიან მკაფიოდ ვაცხადებთ, რომ ჩვენ აქ ვიქნებით დიდი ხნის განმავლობაში, რომ გვაქვს ძლიერი, მტკიცე მხარდაჭერა უკრაინის მიმართ, მაშინ ჩვენ გვაქვს პირობები გადაწყვეტისთვის, სადაც უკრაინა გაიმარჯვებს, როგორც სუვერენული, დამოუკიდებელი სახელმწიფო. ახლა თავისუფლებისა და დემოკრატიის მხარდამჭერი დრო და ადგილი უკრაინაა“, “, - განაცხადა იენს სტოლტენბერგმა.
სტოლტენბერგმა კიდევ ერთხელ მოუწოდა ნატო-ს ევროპულ ქვეყნებს გაზარდონ შენატანი უკრაინის დასახმარებლად. ევროპა და კიევი შიშობს, რომ თუ დონალდ ტრამპი დაბრუნდება შეერთებულ შტატებში ხელისუფლებაში, მან შესაძლოა შეწყვიტოს ან მთლიანად შეწყვიტოს უკრაინის დახმარების დაფინანსება. თუმცა ის დარწმუნებულია, რომ აშშ დარჩება ალიანსში, რადგან „ამერიკის უსაფრთხოების ინტერესებშია ძლიერი ნატო-ს არსებობა“.
„აშშ-ში ნატო-ს მიმართ ძლიერი ორპარტიული მხარდაჭერაა, როგორც კონგრესში, ასევე საზოგადოებრივი აზრის გამოკითხვებშიც“, – განაცხადა სტოლტენბერგმა.
