დღეს, 10 იანვარს ეკონომიკისა და მდგრადი განვითარების სამინისტროში სასარგებლო წიაღისეულის მოპოვების ლიცენზიის გაცემის მიზნით აუქციონი გაიმართა, სადაც გასაყიდად 33 ობიექტი იყო გამოტანილი.
თუმცა აუქციონზე მხოლოდ 29 ობიექტი გაიყიდა, ხოლო 4 ობიექტზე სამინისტროში განაცხადი საერთოდ არ შესულა.
დღევანდელ აუქციონზე ეკონომიკისა და მდგრადი განვითარების სამინისტრომ საერთო ჯამში, 29 ობიექტი 377 ათას 282 ლარად გაყიდა.
ეკონომიკისა და მდგრადი განვითარების სამინისტროს ინფორმაციით, ყველაზე ძვირად გაიყიდა ზესტაფონში, სოფ. კვალითის ტერიტორიაზე "კვალითის" მანგანუმის (ტექნოგენური დანაგროვი) გამოვლინება, რომელშიც შპს "ჭიათურმანგანუმ ჯორჯიამ" 69 ათასი ლარი გადაიხადა, არადა აუქციონზე "ჭიათურმანგანუმ ჯორჯიას" აღნიშნული ობიქტის შეძენაში "ა.დ.ვ. - ტოგო" და შპს "რუსმეტალი" ეცილებოდნენ.
აუქციონზე ყველაზე იაფად გაიყიდა, თბილისში, ზემო ვაკის ტერიტორიაზე მიწისქვეშა მტკნარი წყალის ლიცენზია, სამეწარმეო დანიშნულებით, რაშიც შპს "ქლიერ ვოთერ კორპორეიშენმა" 39 ლარი გადაიხადა.
