ხვალ, 11 იანვარს 11 საათიდან 13 საათამდე კრწანისისა და ისნის რაიონების ნაწილს ელექტრომომარაგება დროებით შეეზღუდება. გათიშვა `თელასის" სატრანსფორმატორო ქვესადგურში "5000" ჩასატარებელ სარეკონსტრუქციო სამუშაოებს უკავშირდება.
ელექტრომომარაგება შეეზღუდება: წმ. ქეთევან დედოფლის გამზირს, კასპის, რუისის, ფერიცვალების, ხიდისთავის, ცუცქირიძის შესახვევის, ალვანის, იორის, ჭრელაშვილის, საექიმოს, ნავთლუღის, ჩოლოყაშვილის, ბაღდადის, დიდი ხეივნის, გორგასლის, კრწანისის, ორთაჭალის II შესახვევს, გულუას, წინანაურისა და მიმდებარე ქუჩების მაცხოვრებლებს.
ელექტრომომარაგება აგრეთვე შეეზრუდება #IV სამშობიაროს, საქართველოს გარემოს დაცვისა და ბუნებრივი რესურსების სამინისტროს, შინაგან-საქმეთა სამმართველოს ჰოსპიტალს, შინაგან-საქმეთა სამინისტროს ადმინისტრაციულ შენობას, სახანძრო დაცვას, ავტოსადგურს, #I საპყრობილეს, გორგასლის ქუჩაზე მდებარე წყალსადენს. დაგეგმილი შეზღუდვის შესახებ, ამ ორგანიზაციებს `თელასმა" წინასწარ უკვე აცნობა.
სარემონტო სამუშაოების დამთავრებისთანავე მომხმარებლებს ელექტროენერგიის მიწოდება აღუდგება.
