საცალო ქსელში სიგარეტი საშუალოდ 20-30 თეთრით გაძვირდა. 9 იანვრიდან კომპანია "ომეგამ" იმპორტირებული სიგარეტი გააძვირა _ თუ ორი დღის წინ სიგარეტი "პარლამეტი" 3,50 ლარი ღირდა, დღეისათვის მისი ფასი 3,80 თეთრია. ხოლო სიგარეტ "პარლამენტის" ზოგიერთი სახეობის ფასი 4 ლარსაც გაუტოდა.
თუ სიგარეტ "კომეტის" ღირებულება 1,40 თეთრი იყო დღეისათვის მისი ყიდვა 1,60 თეთრადაა შესაძლებელი.
როგორც "ჯი-ეიჩ-ენს" კომპანია "ომეგაში" განუმარტეს, ადგილობრივი წარმოების სიგარეტის გაძვირების შემდეგ სრულიად ლოგიკური იყო, რომ იმპორტირებული სიგარეტიც გაძვირებულიყო.
სუპერმარკეტებში და სარეალიზაციო ქსელებში აცხადებენ, რომ ამ დროისთვის სიგარეტი მხოლოდ "ომეგამ" გააძვირა, თუმცა გამორიცხული არ არის, ფასი სხვა მწარმოებებმა და დისტრიბუტორებმაც გაზარდონ.
