თურქეთის სამომხმარებლო ბაზარზე ქართული ხურმის ჩირი გაიყიდება.
თურქული ინვესტიციით დაფუძნებულმა კომპანიამ ,,სტამბული-2010"-მა მარტვილის რაიონში, 50 ტონა ხურმის ჩირი შეიძინა. ჩირი შემდგომ ბათუმში გადაამუშავა, 13 კილოიან მუყაოს პაკეტებში დააფასოვა და უახლოეს დღეებში სტამბულის ბაზარზე გაიტანს გასაყიდად.
,,სტამბული-2010"-მა ჩირი წინასწარი მოლაპარაკებების შედეგად 2 ლარად შეიძინა. კომპანიის მენეჯმენტის ინფორმაციით, ხურმის ჩირი თურქეთის ბაზრისთვის ახალი პროდუქტია და ამიტომ მისი რეკლამირება აუცილებელია.
,,სტამბული-2010" სამომავლოდ გეგმავს საქმიანობის სფეროს გაფართოებას. კერძოდ, გამხმარი მოცვისა და სხვა ხილის წარმოებას აჭარაში.