თეთრი სახლის პრესმდივანმა კარინ ჟან-პიერმა ვაშინგტონში გამართულ ბრიფინგზე განაცხადა, რომ პრეზიდენტ ბაიდენის ადმინისტრაციამ უკრაინას სამხედრო დახმარების კიდევ ერთი მნიშვნელოვანი პაკეტი გამოუყო.
„შეერთებული შტატები აგრძელებს უკრაინის მხარდაჭერას რუსეთის ინტერვენციის წინააღმდეგ და ეს არის მეშვიდე სამხედრო დახმარების პაკეტი აპრილის შემდეგ“, - თქვა მან.
150 მილიონი დოლარის ღირებულების პაკეტში შედის რაკეტები HAWK-ის საჰაერო თავდაცვის სისტემებისთვის; საბრძოლო მასალა HIMARS-ისთვის; 155 მმ-იანი და 105 მმ-იანი საარტილერიო ჭურვები; 81 მმ-იანი ნაღმტყორცნების წურვები; ოპტიკური TOW-ის რაკეტები; Javelin და AT-4 ტანკსაწინააღმდეგო სისტემები; მცირე იარაღის საბრძოლო მასალა და სხვა იარაღი პენტაგონის საწყობებიდან.
პაკეტში ასევე შედის ახალი დაფინანსება Patriot -ის და NASAMS-ის სისტემებისთვის რაკეტების შესაძენად.
