ეროვნული საფეხბურთო ნაკრების საქართველოში დაბრუნებასთან დაკავშირებით 2 ივლისს საზეიმო ღონისძიებები გაიმართება.
„2 ივლისს, 22:00 საათზე ვიკრიბებით თავისუფლების მოედანზე. ერთად შევხვდეთ და ერთად ვუთხრათ მადლობა ჩვენს საფეხბურთო ნაკრებს. ერთად შევასრულოთ საქართველოს ჰიმნი და ერთად აღვნიშნოთ ქართული საფეხბურთო სასწაული. 21:30 საათზე, საფეხბურთო ნაკრები, მიხეილ მესხის სტადიონიდან ღია ავტობუსით მსვლელობას დაიწყებს თავისუფლების მოედნისკენ. 22:00 საათზე, თავისუფლების მოედანზე – საქართველოს მადლობა საფეხბურთო ნაკრებს“, – ნათქვამია მთავრობის მიერ გავრცელებულ ინფორმაციაში.
საქართველოს საფეხბურთო ნაკრები გერმანიიდან 2 ივლისს, დილით დაბრუნდება.
