ესპანეთის წინააღმდეგ ევრო 2024-ის მერვედფინალში გასამართი მატჩის შესახებ კომენტარი საქართველოს ეროვნული ნაკრების მცველმა, ოთარ კაკაბაძემ გააკეთა.
„გუნდში ძალიან პოზიტიური გარემოა. დიდი მონდომებით და შემართებით ვემზადებით. მიუხედავად იმისა, რომ ესპანეთის სახით რთული მეტოქე გვყავს, ვეცდებით, ჩვენთვის ევროპის ჩემპიონატი არ დამთავრდეს და ეს ბედნიერი დღეები, რაც ყველამ ერთად გავიარეთ, კიდევ გავიხანგრძლივოთ“, – ამბობს ოთარ კაკაბაძე.
ევრო 2024-ზე საქართველოს ეროვნული ნაკრები მერვედფინალში დღეს ესპანეთს დაუპირისპირდება. მატჩი თბილისის დროით 23 საათზე დაიწყება.
