ხვალ, 9 იანვარს, 18:00 საათზე, გაიმართება სერგო ფარაჯანოვის დაბადებიდან 87 წლისთავისადმი მიძღვნილი აქცია. აქცია სიმბოლურად გაიმართება ბამბის რიგში, სერგო ფარაჯანოვის ძეგლთან. დასწრება თავისუფალია.

ორგანიზატორები აქციაზე დამსწრეებს მივმართენ თხოვნით იქონიონ ერთი ცალი წითელი ბროწეული, რომლითაც ისინი პატივს მიაგებენ დიდი შემოქმედის ხსოვნას.

ღონისძიება ორგანიზებულია საინიციატივო ჯგუფის მიერ და მიზნად ისახავს დიდი თბილისელი კინორეჟისორისა და მხატვრის შემოქმედების მიმართ საზოგადოების დაინტერესების გაზრდას.

აქციის პროგრამა მოიცავს მისი შემოქმედების ამსახველი კადრების ჩვენებას, ფოტოებისა და მის მიერ შექმნილი ნამუშევრების გამოფენას.

აქცია იმართება საქართველოს კულტურისა და ძეგლთა დაცვის სამინისტროს მხარდაჭერით. აქციის სპონსორები არიან გაზეთი "პრაიმ თაიმი"და "თბილღვინო".
ორგანიზატორები მადლობას უხდიან იური მეჩითოვს, არჩილ მენაღარიშვილს, მაია ბარათაშვილს, გუგა კოტეტიშვილს, ქეთი დოლიძეს გაწეული დახმარებისათვის.