დღეს, 8 იანვარს, სვანეთი უკრაინელ ვარსკვლავებს უმასპინძლებს. სვანეთში დაგეგმილ გრანდიოზულ კონცერტზე დასწრების მსურველებს მესტიაში გამგზავრება უფასოდ შეეძლებათ.
ზუგდიდიდან მესტიის მიმართულებით უფასოდ ავტობუსები იმოძრავებს, თბილისიდან კი სპეციალური ჩარტერული რეისები შესრულდება.
უკრაინელი მომღერლები, მოცეკვავეები, მსახიობები და სხვადასხვა მუსიკალური ჟანრის ბენდები მესტიაში კიევიდან ჩავლენ.
როგორც თბილისში აცხადებენ, ღია ცის ქვეშ დაგეგმილი გრანდიოზული შოუ-კონცერტი საშობაო ზეიმის გარდა მესტიის ერთგვარი პრეზენტაციაც იქნება, რადგან სწორედ დღეს, 8 იანვარს გაიხსნება ოფიციალურად სათხილამურო სეზონი.
ტურისტებისთვის იმუშავებს სასტუმროები. კურორტი სვანეთში ჩასულ სტუმრებს ზამთრის სეზონის განმავლობაში უმასპინძლებს.
