რუსეთის ფედერაციის ჰოკეის ახალგაზრდული ნაკრების წევრები სიმთვრალის გამო ავირეისიდან მოხსნეს. ამის შესახებ ინფორმაციას რუსული მედია ავრცელებს.
სააგენტოების ინფორმაციით, რუსეთის ჰოკეის ახალგაზრდული ნაკრების წევრები, რომლებმაც მსოფლიო ჩემპიონატი მოიგეს, აეროპორტის თანამშრომლებმა რეისიდან იმ მიზეზით მოხსნეს, რომ "ძალიან მთვრალები იყვენენ და არაადეკვატურად იქცეოდნენ".
გავრცელებული ინფორმაციით, იმის მაგივრად, რომ ჰოკეისტების თვითფრინავში ჩამსხდარიყვნენ, ქალაქ ბაფალის ერთ-ერთ სასტუმროში დარჩნენ, რადგან რეისი, რომელიც ბაფალი-ატლატას მიმართულებით სრულდებოდა, ხოლო იქიდან ნიუ-ორკში გადმოჯდომის შემდეგ სპორტსმენები სამშობლოში უნდა დაბრუებულიყვნენ, ავიაკომპანია "Delta Susan Elliott"-მ უარი თქვა მათ ბორტზე აშვებაზე, რათა მთვრალი ჰოკეისტების უდისციპლინო საქცელს შესაძლოა საფრთხე სხვა მგზავრებისთვისაც შეექმნა.
ამერიკული მედიის ინფორმაციით, კი ჰოკეისტების მხრიდან ადგილი ჰქონდა უხეშობას, რომლებიც თვითფრინავის სალონში ძალით ავიდნენ, რის შემდეგაც სხვა მგზავრებმა ლაინერი დატოვეს, ამის შემდეგ კი მთვრალი სპორტსმენები იძულებულები გახდნენ აეროპორტი დაეტოვებინათ.
თვითმხილველების თქმით, ზოგიერთი ჰოკეისტი ისეთი მთვრალი იყო, რომ მგზავრების გასავლეში აღებინა, ხოლო ადგილობრივმა ტელეკომპანიებმა აჩვენეს კადრები, სადაც რუსი სპორტსმენები აეროპორტის იატაკზე წვანან და ვერ გდებიან.
შეგახსენებთ, რომ რუსეთის ახალგაზრდულმა ჰოკეის ნაკრებმა მსოფლიო ჩემპიონატში კანადას ანგარიშით 5:3 მოუგო.
