ქართველი ძიუდოისტი ლაშა ბექაური მადრიდის ღია პირველობის ჩემპიონია
ესპანეთში მადრიდის ღია პირველობა მიმდინარეობს. ტურნირზე წარმატებით იასპარეზა ლაშა ბექაურმა (90კგ), ქართველმა ძიუდოისტმა ფინალში ფრანგ პოლ ლივოლსი დაამარცხა და ჩემპიონობა იზეიმა.
ფინალამდე ლაშა ბექაურმა ბერძენი, ფრანგი ძიუდოისტები დაამარცხა, ნახევარფინალში კი სლოვაკ სპორტსმენს სძლია.
შეგახსენებთ, რომ ოლიმპიური და ევროპის ჩემპიონი, ევროპული თამაშების გუნდური გათამაშების გამარჯვებული ლაშა ბექაური 2023 წლის მესამე ევროპული თამაშების საუკეთესო მამაკაც სპორტსმენად დასახელდა და იანეშ კოჩიანჩიჩის სახელობის ჯილდოს პირველი მფლობელი გახდა.
