სვანეთი უკრაინელ ვარსკვლავებს უმასპინძლებს. გრანდიოზული ღონისძიებებისთვის მზადება მესტიაში უკვე დაწყებულია.
მომღერლები, მოცეკვავეები, მსახიობები და სხვადასხვა მუსიკალური ჟანრის ბენდები მესტიაში კიევიდან ჩავლენ. კონცერტი 8 იანვარს გაიმართება.
როგორც თბილისში აცხადებენ, ღია ცის ქვეშ დაგეგმილი გრანდიოზული შოუ-კონცერტი საშობაო ზეიმის გარდა მესტიის ერთგვარი პრეზენტაციაც იქნება, რადგან სწორედ 8 იანვარს გაიხსნება ოფიციალურად სათხილამურო კურორტი.
კონცერტი ქართველი და უცხოელი ვიზიტორებისთვის უფასო იქნება. ასევე, შოუზე დასწრების მსურველ მგზავრებს ზუგდიდის რკინიგზის სადგურიდან მესტიისკენ მოძრავი ავტობუსები უფასოდ მოემსახურებიან. გარდა ამისა, მესტიის აეროპორტი თბილისიდან ავიარეისებსაც მიიღებს.
ტურისტებისთვის იმუშავებს სასტუმროები. კურორტი სვანეთში ჩასულ სტუმრებს ზამთრის სეზონის განმავლობაში უმასპინძლებს.