მთავრობა მეწარმეებს ახალ საგადასახადო კოდექსში შეცდომების გამოსწორების საშაულებას აძლევს. როგორც დღეს მთავრობის სხდომაზე პრემიერ-მინისტრმა ნიკა გილაურმა განაცხადა, ახალი საგადასახადო კოდექსი ძალაში 2011 წლის 1-ლი იანვრიდან შევიდა და თუ მეწრამეებს კოდექსთან მიმართებაში რაიმე პრობლემები შეექმნებათ მათ შესაძლებლობა ექნებათ ამის შესახებ უშუალოდ მთავრობას შეატყობინონ.
"ახალ საგადასახადო კოდექსთან დაკავშირებით, რომელიც კერძო სექტორთან აქტიური თანამშრომლობით შეიქმნა, თუ რაიმე ხარვეზი იქნება მეწარმეებს შესაძლებობა აქვთ დაუკავშირდნენ უშუალოდ ფინანსთა სამინისტროს, შემოსავლების სამსახურს და პრემიერ-მინისტრის აპარატს და უფრო კონკრეტულად ბიზნეს ომბუდსმენს. ჩვენ შევეცდებით გამოვასწოროთ ეს შეცდომები", _ განაცხადა ნიკა გილაურმა.
პრემიერ-მინისტრის განმარტებით, "ახალი კურსის" ფარგლებში მეწარმისა და ფინანსთა სამინისტროს შემოსავლების სამსახურის ურთიერთობა უფრო მჭიდრო უნდა გახდეს.
ნიკა გილაური მიიჩნევს, რომ ახალი კურსის დადებითი შედეგი მალე ყველასთვის ნათელი გახდება.