ესტონეთის, ლიეტუვისა და ლატვიის საგარეო საქმეთა მინისტრები აცხადებენ, რომ ტყუილია, თითქოს საქართველოს პარლამენტის თავმჯდომარესთან, შალვა პაპუაშვილთან შეხვედრისას გარკვეულ საკითხებზე შეთანხმდნენ.
საგარეო საქმეთა მინისტრებთან შეხვედრის დასრულების შემდეგ, შალვა პაპუაშვილმა განაცხადა, რომ შეხვედრის მონაწილეები შეთანხმდნენ, თითქოს "ქართული ოცნება" სწორად მოიქცა, როდესაც არ მოუსმინა ევროპელ პარნიორებს, სანქციები არ დაუწესა რუსეთს და არ გაათავისუფლა მიხეილ სააკაშვილი.
პაპუაშვილის განცხადებას გამოეხმაურა ესტონეთის საგარეო საქმეთა მინისტრი მარგუს ცაჰკნა, რომლის განცხადება სოციალუ ქსელში გამოაქვეყნა საქართველოში ესტონეთის საელჩომაც.
"ნება მომეცით ნათლად ვთქვა სათქმელი, ჩვენ არ შევთანხმებულვართ არცერთ ნახსენებ საკითხზე. ჩემი გზავნილი საპირისპიროა: საქართველო არ მოძრაობს სწორი მიმართულებით!", - თქვა მარგუს ცაჰკნამ.
პაპუაშვილის განცხადებას გამოეხმაურნენ ლიეტუვისა და ლატვიის საგარეო საქმეთა მინისტრები გაბრიელიუს ლანდსბერგისი და ბაიბა ბრაჟე.
"ჩვენ არ დავთანხმებულვართ, რომ საქართველო მართალი იყო, როცა უგულებელყო ევროპული რჩევები და ღირებულებები და გამოვთქვით უკიდურესად მტკიცე შეხედულებები და არა "გარკვეული შეშფოთება". - წერს ლანდსბერგისი სოციალურ ქსელში.
"ჩვენ ეს არ გვითქვამს და არც რაიმე მსგავსს არ ვეთანხმებით. არ ვიცი მან [პაპუაშვილმა] რა თქვა. ჩემი საქმე არ არის მისი ნათქვამის განსჯა, მაგრამ არა ჩვენ არ ვეთანხმებით იმას, რომ "ქართული ოცნება" მართალი იყო ან სააკაშვილთან, ან სანქციებთან დაკავშირებით, ან რაიმე მსგავს საკითხში. განსაკუთრებით ამ კონკრეტულ კანონთან დაკავშირებით", - განაცხადა ბაიბა ბრაჟემ.
