საქართველო დღეს ისტორიულ გზაჯვარედინზეა, - წერს სოციალურ ქსელში ლატვიის პრეზიდენტი ედგარს რინკევიჩსი, რომელიც ცოტა ხნით ადრე, საქართველოს პრეზიდენტს, სალომე ზურაბიშვილს ტელეფონით ესაუბრა.
"საქართველო დღეს ისტორიულ გზაჯვარედინზეა. ლატვია მხარს უჭერს ქართველ ხალხს და მათ სურვილს ევროკავშირში გაწევრიანებაზე. განვიხილეთ არსებული ვითარება, ვაფასებ პრეზიდენტის პირად პოზიციას, შევთანხმდით, რომ კონტაქტზე ვიქნებით ერთმანეთთან", - წერს რინკევიჩსი.
თავის მხრივ, საქართველოს პრეზიდენტმა სალომე ზურაბიშვილმა მადლობა გადაუხადა ლატვიის პრეზიდენტს მხარდაჭერისთვის.
