2011 წელს იტალიური კომპანია "ფიატი" ამერიკულ ავტომწარმოებელ "ქრისლერში" თავისი წილის საკონტროლო პაკეტამდე გაფართოებას გეგმავს. ამის შესახებ ინფორმაციას "ბლუმბერგზე" დაყრდნობით "ინტერფაქსი" ავრცელებს.
"ვფიქრობ, ეს შესაძლებელია. ჯერჯერობით დაზუსტებით ვერ ვიტყვით, მაგრამ ჩვენ შეგვეძლება წილის 50 %-ზე გადაჭარბება, თუ "ქრისლერი" 2011 წელს ბაზარზე აქციების გამოტანას გადაწყვეტს", _ განუცხადა ჟურნალისტებს "ფიატის" აღმასრულებელმა დირექტორმა სერჟიო მარკონემ.
