ბოლო ხუთი წლის მანძილზე, საქართველომ ყველაზე დიდ პროგრესს მიაღწია ბიზნესის წარმოების გამარტივების თვალსაზრისით და მსოფლიოს 174 ქვეყანას შორის პირველი ადგილი დაიკავა.

საქართველომ გააუმჯობესა გადახდისუუნარობის შემთხვევაში გასატარებელი პროცედურები და წესრიგში მოიყვანა აუქციონებზე გაყიდვის წესი. საჯარო აუქციონების ჩატარების პროცედურების ზუსტი გაწერით საქართველომ გაამარტივა კონტრაქტების აღსრულება, დანერგა კერძო აღსრულების ოფიცრის ინსტიტუტი და თანამედროვე ფორმატში მოაქცია დავების გადაჭრის სისტემა.

გარდა ამისა, გირაოს ცენტრალიზებული რეესტრის სისტემის დანერგვით, რომელიც „ონ-ლაინ~ რეჟიმში მუშაობს, საქართველომ კრედიტების ხელმისაწვდომობა გააუმჯობესა. ამასთან, საქართველოში გაძლიერდა ინვესტორთა დაცვის მექანიზმებიც - ამჟამად, სასამართლო პროცესის შემთხვევაში ინვესტორებს უფრო მეტად მიუწვდებათ ხელი კორპორაციულ ინფორმაციაზე.

Doing Business ~-ის 2011 წლის მოხსენებაში, საქართველო, 183 ქვეყანას შორის, მსოფლიოში ბიზნესის წარმოების სიმარტივის თვალსაზრისით მე-12 ადგილზე დასახელდა და პოზიცია, გასულ წელთან შედარებით, 1 საფეხურით გაიუმჯობესა.

2009 წლის ანალოგიურ მოხსენებაში საქართველო 16-ე ადგილზე, 2008 წელს 21-ე ადგილზე, ხოლო 2007 წელს 37-ე ადგილზე იმყოფებოდა. Doing Business ~-ის 2011 წლის მოხსენებაში, საქართველომ მდგომარეობა გაიუმჯობესა რეიტინგის შემდეგ კომპონენტებში: კრედიტების აღება (გაუმჯობესდა 15 საფეხურით), ინვესტორების დაცულობა (გაუმჯობესდა 21 საფეხურით).

` Doing Business ს 2011~-ის მიხედვით, საკუთარი რეიტინგით საქართველო უსწრებს ისეთ ქვეყნებს, როგორიცაა: შვედეთი (მე-14 ადგილი), ესტონეთი (17), გერმანია (22), ლატვია (24), ბელგია (25), საფრანგეთი (26), შვეიცარია (27), ავსტრია (32), სომხეთი (48), აზერბაიჯანი (54), თურქეთი (65), რუსეთის ფედერაცია (123) და სხვა.

Doing Business -ის 2011 წლის მოხსენებაში, მსოფლიოში ბიზნესის წარმოების სიმარტივის რეიტინგში პირველი ად-გილი სინგაპურმა, ხოლო უკანასკნელი _ ჩადმა დაიკავა.

აღნიშნულ მოხსენებაში 183 ქვეყანა შეფასდა.

Doing Business ~-ის ბიზნესის წარმოების სიმარტივის ინდექსი, 2011 წლის მოხსენებაში, 9 ინდექსის მიხედვით (ბიზნესის დაწყება, მშენებ-ლობის ლიცენზიები, ქონების რეგისტრაცია, დაკრედიტება, ინვესტორების დაცულობა, გადასახადების გადახდა, ვაჭრობა საზღვრებს შორის, კონტრაქტირება, ბიზნესის დახურვა) საბოლოო ქულის შეჯამებით გამოითვლება.