მიხეილ ხოდორკოვსკისათვის გამოტანილმა განაჩენმა შესაძლოა რუსეთს ვაჭრობის მსოფლიო ორგანიზაციაში გაწევრიანებას შეუშალოს ხელი. რუსეთი ამ ორგანიზაციაში მოხვედრას უკვე 17 წელია ესწრაფვის. ინფორმაციოას ამის შესახებ სააგენტო "როიტერი" აშშ-ის პრეზიდენტის ბარაკ ობამას ადმინისტრაციაში არსებულ მაღალჩინოსან წყაროზე დაყრდნობით ავრცელებს.
"ვაჭრობის მსოფლიო ორგანიზაცია, როგორც ორგანიზაცია ბაზირდება კანონებზე. მსოფლიოს ქვეყანათა უმრავლესობა, ამ განაჩენს რუსეთის სამართლებრივი სახელმწიფოს პრინციპების ზეიმად ნამდვილად არ განიხილავს. ცხადია, რომ ყოველივე ეს რუსეთის რეპუტაციაზე გავლენას მოახდენს",_ განაცხადა თეთრის სახლის წარმომადგენელმა.
მისივე თქმით - "ეს განაჩენი რუსეთის გაწევრიანების პროცესს ვერ დაეხმარება და მხოლოდ გაართულებს მას", _ განაცხადა მაღალჩინოსანმა.
აღსანიშნავია, რუსეთი ვაჭრობის მსოფლიო ორგანიზაციაში გაწევრიანებას 2011 წლის დეკემბერში ელის.
შეგახსენებთ, რომ მოსკოვის ხამოვნიჩესკის სასამართლომ "იუკოსის" ყოფილ ხელმძღვანელს, მიხაილ ხოდორკოვსკისა და "მენატების" ხელმძღვანელს პლატონ ლებედევს გუშინ 13,5 წლით თავისუფლების აღკვეთა მიუსაჯა.
განაჩენში ნათქვამია, რომ ხოდორკოვსკი და ლებედევი დამნაშავედ არინ ცნობილები მიტაცებისა და ფულის გათეთრების მუხლებით, რის გამოც მათ საერთო რეჟიმის კოლონიაში 13,5 წლის გატარება მოუწევთ.
ბრალდების მხარე რუსი ბიზნესმენებისთვის 14 წლით თავისუფლების აღკვეთას ითხოვდა.