მთავრობის წლევანდელი საპრივატიზაციო გეგმა შესრულებულია. ამის შესახებ საქართველოს პრემიერ-მინისტრმა ნიკოლოზ გილაურმა წლის შემაჯამებელ პრესკონფერენციაზე განაცხადა.
"პრივატიზაციის გეგმა შესრულებულია. მის ფარგლებში გათვალისწინებული 150 მლნ ლარი სახელმწიფომ უკვე მიიღო. გეგმა ორი დღის წინ შესრულდა", - აღნიშნა პრემიერმა.
შეგახსენებთ, რომ წლევანდელი წელი საქართველოს ეკონომიკის 6-ზე მეტპროცენტიანი ზრდით დასრულდა.