"მაგთის" მცდელობამ კომუნიკაციის კომისიის მეშვეობით „სილქნეტისთვის" აეკრძალა სარეკლამო რგოლების გაშვება, რომლითაც ხორციელდება უკაბელო სახლის ტელეფონის რეკლამირება, შედეგი ვერ გამოიღო. „მაგთის" საჩივარი, რომლის მიხედვითაც უნდა მომხდარიყო „სილქნეტის" სანქცირება და სარეკლამო რგოლების შეჩერება არ დაკმაყოფილდა. სს „სილქნეტის" სარეკლამო რგოლში, სადაც კომპანია საკუთარ მომხმარებელს 450 ათას ოჯახთან ზარების უფასოდ განხორციელებას სთავაზობს, შეცდომაში შეყვანის ფაქტი არ დასტურდება.
მიმდინარე წლის სექტემბრის თვეში, კომუნიკაციების ეროვნულმა კომისიამ კომპანია „მაგთის" გრანდიოზული ფასდაკლების შესახებ რეკლამის კორექტირება დაავალა, ვინაიდან მიიჩნია, რომ ფასდაკლება არ ვრცელდებოდა ყველა აბონენტზე, რაც იყო აბონენტების შეცდომაში შეყვანის და ზიანის მიყენების ფაქტი. კომპანიას დაევალა რეკლამის კორექტირება. თავის მხრივ „მაგთის" საჩივრის საფუძველზე ცოტა ხნის წინ დაჯარიმდა კომპანია "ჯეოსელი", მაგრამ „სილქნეტის" შემთხვევა „მაგთისთვის" არასასურველი შედეგით დასრულდა.
როგორც კომისიაში განმარტეს, მსგავსი გაუგებრობების თავიდან ასაცილებლად რეკლამის შესახებ კანონში შესატანი ცვლილებები ახლო მომავალში დამუშავდება და შევა გარკვეული შესწორებები.