საბიუჯეტო სახსრების კონტროლი კიდევ უფრო უნდა გამკაცრდეს.
ამის შესახებ პარლამენტის თავმჯდომარემ დავით ბაქრაძემ კონტროლის პალატის თავმჯდომარის შემაჯამებელი ანგარიში მოსმენის შემდეგ განაცხადა.
"ჩვენ ვაპირებთ, რომ კიდევ უფრო გამკაცრდეს კონტროლი საბიუჯეტო სახსრების განკარგვაზე, ასევე ვაპირებთ, რომ კიდევ უფრო მეტი ეკონომია გავაკეთოთ საბიუჯეტო ხარჯების კუთხით", - აღნიშნა ბაქრაძემ.
ამასთან, პარლამენტის სპიკერის თქმით, ამ თვალსაზრისით კონტროლის პალატის მუშაობა ძალიან მნიშვნელოვანი, რადგან ხელისუფლებას და საზოგადოებას სრული ინფორმაცია უნდა ჰქონდეს როგორ იხარჯება საბიუჯეტო სახსრები.
შეგახსენებთ, რომ კონტროლის პალატა თავდაცვის სამინისტროს და ადგილობრივი თვითმართველობების შესწავლას გეგმავს.