ენერგეტიკის მინისტრი ალექსანდრე ხეთაგური, ქუთაისის მაჟორიტარი დეპუტატი ავთანდილ სტურუა და იმერეთის გუბერნატორი ლაშა მაქაცარია სამტრედიის რაიონის სოფელ ჯიხაიშში, სიღარიბის ზღვარს მიღმა მყოფი მრავალშვილიანი ვიტალი ბიბილეიშვილის ოჯახში გაზის ანთებას დაესწრნენ და „ენერგო-პრო ჯორჯიას" მიერ შესრულებული ინდივიდუალუირ გამრიცხველიანების სამუშაოები დაათვალიერეს.
კომპანია "ენერგო-პრო ჯორჯიამ" სოფელ ჯიხაიშის ელექტროგამანაწილებელი ქსელის მოწესრიგებისა და გამრიცხველიანებისათვის 461 100 ლარი დახარჯა და 1537 აბონენტი ინდივიდუალურად გაამრიცხველიანა.
ინდივიდუალური გამრიცხველიანება არ გულისხმობს აბონენტებისთვის მხოლოდ მრიცხველის მონტაჟს; ეს პროცესი მოიცავს ქსელის მასშტაბურ რეაბილიტაციას, რომლის ფარგლებშიც მთლიანად იცვლება ამორტიზირებული კაბელები ახალი იზოლირებული სადენებით, ძველი ხის ბოძები - ახალი რკინაბეტონის ბოძებით, რემონტდება სატრანსფორმატორო პუნქტები და მნიშვნელოვნად უმჯობესდება ქსელის ინფრასტრუქტურა.
ინდივიდუალური გამრიცხველიანების სამუშაოები პარალელურად მიმიდნარეობს პრაქტიკულად ყველა რეგიონში. საქართველოს რეგიონებში არსებული ყველა აბონენტს ინდივიდუალური გამრიცხველიანება 2013 წლის ბოლოს დასრულდება.
საპრეზიდენტო პროგრამის «გაზი ყველა სოფელს» ფარგლებში «იტერა საქართველომ» და შპს «სამტრედიაგაზმა» სამტრედიის რაიონის სოფელ ჯიხაიშის გაზიფიცირება დაასრულეს. სამტრედიის რაიონის გაზიფიცირების პროექტის ფარგლებში სოფელ ჯიხაიშის მიმართულებით 1,5 კმ-იანი საშუალო წნევის გაზსადენის მშენებლობა დასრულდა. «იტერა-საქართველომ» და ქ. სამტრედიის მუნიციპალიტეტმა ერთობლივად 52 ათასი ლარის ინვესტირება განახორციელეს.
საპრეზიდენტი პროგრამა "გაზი ყველა სოფელში" მიზნად ისახავს მაღალი და საშუალო წნევის გაზსადენის სოფელში შეყვანას, რის შემდეგაც გაზგამანაწილებელ კომპანიასა და მომხმარებელს შორის გაფორმებული შეთანხმების შემთხვევაში გაზი შეუძლია მიიღოს სოფლის ნებისმიერმა მაცხოვრებელმა.
საპრეზიდენტი პროგრამა "გაზი ყველა სოფელში" ფარგლებში იგეგმება საქართველოს ტერიტორიის 70%-ის გაზიფიცირება
