2010 წელს გარდაბანში დასრულდა 220 კვ. 2-ე სექციის ყველა პირველადი მოწყობილობისა და შესაბამისი მეორადი ციფრული მოწყობილობების მონტაჟი. სსე-ს ინფორმაციით, ამავე პროექტის ფარგლებში, სრულიად იქნა რეაბილიტირებული 500 კვ. ფრთის 6 უჯრედი, რამაც მთლიანად მოიცვა ექსპლუატაციაში არსებული მინაერთები. ამუშავდა ქვესადგურის ციფრული მართვის სისტემა და მიუერთდა ცენტრალურ სადისპეტჩეროს. აღნიშნულის გათვალისწინებით, შესაძლებელი გახდა ამ მინაერთების დისტანციური მართვა.
კომპანია SIEMENS -თან ერთობლივი მუშაობის შედეგად მიღებული გამოცდილების გათვალისწინებით, სსე-ის ძალებით შესყიდული და დამონტაჟებული იქნა 220 კვ-ის 1 სექციის პირველადი მოწყობილობები, რომლებიც მიუერთდა " SIEMENS "- ის მიერ მოწოდებული ციფრული დაცვის და მართვის ტერმინალებს. ქ/ს "გარდაბანი - 500"-ის 220 და 500 კვ. ფრთები სრულად იქნა რეაბილიტირებული.

აღსანიშნავია, რომ ქ/ს "გარდაბანი 220"-ის 110 კვ. ფრთის პირველადი მოწყობილობები შესყიდული და დამონტაჟებული იქნა სსე-ის ძალებით.

შვედურ კომპანია ABB-სთან გაფორმდა ხელშეკრულება, რომლის პირობები ითვალისწინებს ქ/ს "ნავთლუღი-220"-ის, ციფრული დაცვის და მართვის მოწყობილობების SCADA -ს სისტემის მონტაჟს და გაწყობას. სამუშაოებს სსე-სა და ABB -ს სპეციალისტები ერთობლივი ძალებით განახორციელებენ. ამავე ხელშეკრულებით გათვალისწინებულია ქ/ს "გარდაბანი-220"-ის 110 კვ-ის მეორადი მოწყობილობების მოწოდება და გაწყობითი სამუშაოები