სს „კაუკაზუს ენერჯი ენდ ინფრასთრაქჩამ" ჰიდროელექტროსადგურის სამშენებლო მოედნის ზემო ნაწილზე კოფერდამის მშენებლობა დაიწყო.
კოფერდამი არის წყალშეუღწევი ზღუდე მდინარეში, რომელიც სადერივაციო არხთან ერთად უზრუნველყოფს მშრალ გარემოს კაშხლის ასაშენებლად.
დროებითი ხიდის მშენებლობა და სხვა ინფასტრუქტურული სამუშაოები, როგორიც არის შიდა გზები და მუშების საცხოვრებელი მოდულები უახლოვდება დასასრულს. მომავალი წლის პირველ კვარტალში დაიწყება სადერივაციო არხისა და წყალსაშვის სამშენებლო სამუშაოები,
რაც კაშხლის მშენებლობის აუცილებელ წინაპირობას წარმოადგენს.
„მოხარული ვართ, რომ დაიწყო კოფერდამის მშენებლობა და გადავედით
ჰიდროელექტროსადგურის მშენებლობის ახალ ეტაპზე. მთელი ჩვენი ძალისხმევა მიმართულია უმაღლესი ხარისხის სამშენებლო სამუშაოების უზრუნველყოფისკენ რათა დროულად ავამუშავოთ ჰიდროელექტროსადგური", განაცხადა სს „კაუკაზუს ენერჯი ენდ ინფრასთრაქჩას" გენერალურმა დირექტორმა არჩილ მამათელაშვილმა.