ვაშინგტონში ისრაელის საელჩოსთან აშშ-ის საჰაერო ძალების ჯარისკაცმა თავის დაწვა სცადა. იუწყება CNN
ინციდენტის ამსახველ ვიდეოში, რომელიც CNN-მა მოიპოვა, კაცი საკუთარ თავს აარონ ბუშნელად ასახელებს და ამბობს: „მე აღარ ვიქნები გენოციდის თანამონაწილე“, მანამდე კი ამბობს, რომ ის, რის გაკეთებასაც აპირებს, მცირედია პალესტინელების ტანჯვასთან შედარებით.
შემდეგ კამერას მიწაზე დებს და თავზე გაურკვეველ სითხეს ისხამს და ცეცხლს იკიდებს და შეუჩერებლად სკანდირებს „თავისუფლება პალესტინას!“ ბოლოს ის ეცემა, როცა პოლიცია ცეცხლის ჩაქრობას ცდილობს.
აშშ-ს საჰაერო ძალების სპიკერმა როუზ რაილიმ დაადასტურა, რომ ინციდენტში მონაწილეობდა აშშ-ს საჰაერო ძალების მოქმედი ჯარისკაცი.
დაშავებული კლინიკაში გადაიყვანეს, მისი მდგომარეობა მძიმეა.
