2010 წელს საქართველოს ეკონომიკური ზრდის წამყვანი და მამოძრავებელი მიმართულება ექსპორტი, საბანკო სექტორი და ტურიზმი იყო. ამის შესახებ საქართველოს პრემიერ მინისტრმა ნიკა გულაურმა განაცხადა.
პრემიერის განცხადებით, 2010 წელს ექსპორტი 35%-ით გაიზარდა.
"ეკონომიკური ზრდის წამყვანი და მამოძრავებელი იყო ექსპორტი, რომელიც 35 %ით გაიხარდა, რაც არის საკმაოდ კარგი ზრდა", _ განაცხადა გილაურმა.
მისივე თქმით, ასევე წამყვანი და მნიშვნელოვანი იყო საბანკო სექტორი.
"დეპოზიტები. ასევე საკრედიტო პროტფელი არის რეკორდულად მაღალი, რაც კი ოდესმე ქონია საქართველოს საბანკო სექტორს. დეპოზიტები წლის დასაწყისთან მიმართებაში 27 %ით და კრედიტების მოცულობა 18 %-ით არის გაზრდილი", _ აღნიშნა პრემიერ მინისტრმა.
ნიკა გილაურის განმარტებით, მნიშვნელოვანი მამოძრავებელი იყო ასევე ტურიზმის სექტორიც.
"ამდენ ვიზიტორს არ ველოდებოდით და ეს იყო სიურპრიზი. ვიზიტორთა რაოდენობა გასულ წელთან შედარებით ჯამში გაზრდილია დაახლოებით 40 %-ით", _ განაცხადა პრემიერმა.
პემიერ-მინისტმა ასევე აღნიშნა, რომ 2010 წელს 20-21 %-იანი ზრდა დაფიქსირდა ავტომობილებისა და უძრავი ქონების რეგისტრაციის კუთხითაც.