კომპანია "თელასმა" სპეციალურად დიღმის სმენადაქვეითებულ ბავშვთა სახლის აღსაზრდელთათვის საახალწლო წვეულება სასტუმრო "შერატონშ-Mმეტეხში" გამართა.
წვეულებაზე 170 ბავშვისთვის ნაჩვენები იყო მრავალფეროვანი გასართობი პროგრამა: თოჯინების თეატრის წარმოდგენა, კონცერტი, საპნის ბუშტებისა და ჯამბაზების შოუ. კონცერტში მონაწილეობა მიიღეს პროექტ "ანა-ბანას" ბავშვებმა. პატარებისთვის იმღერა მარიკო ებრალიძემ. წვეულებას ახალისებდნენ თოვლის ბაბუა და ფიფქია.
ყველა მოწვეულ ბავშვს გადაეცა საახალწლო საჩუქრები, სპეციალურად მათთვის მოეწყო მხიარული ფოტოსესია პროგრამის მონაწილეებთან ერთად.
ახალი 2011 წლის დადგომა ბავშვებს "თელასის" სახელით კომპანიის საზოგადოებასთან ურთიერთობის დეპარტამენტის უფროსმა ვალერი ფანცულაიამ მიულოცა.
ქველმოქმედება კომპანია "თელასის" ტრადიციულ საქმიანობად იქცა. დიღმის სმენადაქვეითებულ ბავშთა სახლს კომპანია 7 წელია მფარველობს, ყველა დღესასწაულს მათ განსაკუთრებულად და მრავალფეროვანი საჩუქრებით ულოცავს.
"თელასი" საქველმოქმედო საქმიანობას მომავალშიც გააგრძელებს.
