ფინანსთა მინისტრმა დღეს, მომსახურების სააგენტოს ახალი შენობა (თბილისში გულუას #4-ში) ოფიციალურად გახსნა.
როგორც კახა ბაინდრაშვილმა განაცხადა, ამიერიდან სააგენტოს მომსახურეობა იქნება მაქსიმალურად დახვეწილი და მომხმარებლისთვის კომფორტული.
"წწწ.ეაუცტიონ.გე საშუალებას აძლევს მოქალაქეებს, მარტივად და სწრაფად შეიძინონ სახელმწიფო საკუთრებაში არსებული მოძრავი ქონება. გამარტივებულმა რეჟიმმა რეალიზაციის სიჩქარე უკვე გაზარდა.
2011 წელი პირველი წელია, როდესაც საგენტო ბიუჯეტიდან დაფინანსებას აღარ ექვემდებარება და პირიქით ბიუჯეტში გადაიხდის თანხებს", განაცხადა ფინანსთა მინისტრმა.
სააგენტოს ხელმძღვანელი გრიგოლ ბაიბურთი 2010 წლის მუშაობას დადებითად აფასებს. მისი განმარტებით, 2009 წელს სააგენტომ ქონებისა და ნივთების რეალიზაციიდან ბიუჯეტში 372 ათას 680 ლარი შეიტანა, ხოლო 2010 წელს 2 მლნ. 707 ათასი ლარი.
"მიმდინარე წელს სააგენტოში ბევრი ინოვაციური პროექტი განხორციელდა. შეიქმნა უნივერსალური საინფორმაციო პორტალი. პირველად საქართველოიში 2010 წლის მარტში ამოქმედდა ელექტრონული აუქციონები, რომელმაც საკმაოდ კარგი შედეგები აჩვენა. ცხრა თვის მანძილზე ჩატარდა 580 ელექტრონული აუქციონი, ასევე ამოქმედდა ინტერნეტ მაღაზია",- აცხადებს გრიგოლ ბაიბურთი.
მისი განმარტებით, სააგენტოს პროექტებს შორისაა "მოძრავი მაღაზია", რომელმაც რეგიონებში საკმაოდ დიდი მოწონება დაიმსახურა.
"აღნიშნული პროექტის საშუალებით უკვე რეგიონებშიც გახდა შესაძლებელი მოსახლეობისათვის სააგენტოს მიქცეული ქონების შეძენა. სააგენტომ მაქსიმალურად გაამარტივა ყველ პროცედურა და ის გახდა ელექტრონული. სააგენტოს მიზანია ბიუროკრატიული ბეკეტების მოხსნა",-განაცხადა ბაიბურთმა.