ახალი ამბების სააგენტო „ჯი-ეიჩ-ენი“ღრმა მწუხარებას გამოთქვამს კოლეგის, ტელეკომპანია „იმედის“ ოპერატორის, მიშო ბიძინაშვილის ტრაგიკული დაღუპვის გამო.
ვუსამძიმრებთ და თანავუგრძნობთ მის ოჯახს, მეგობრებს, ახლობლებსა და კოლეგებს.
უბედური შემთხვევა სოფელ ასურეთის მიმდებარედ მოხდა. დაღუპულთა შორის არის ხომალდის მეთაური და პირველი მფრინავი, საქართველოს სამგზის რეკორდსმენი, 19-წლიანი სტაჟის მქონე რევაზ უთურგაური. ის ასევე „სქაი თრეველის“ დამფუძნებელი და დირექტორი იყო.
ასევე დაღუპულია ფრენის 13-წლიანი გამოცდილების მქონე პოლონელი ჰაერნაოსანი კშიშტოფ ზააპარტი. საჰაერო ბურთით ფრენაში ზააპარტი მსოფლიოში მეორე ადგილზე იყო. მას 3 500 კილომეტრზე მეტი ჰქონდა ნაფრენი.
წინასწარი ინფორმაციით, საჰაერო ბურთი ელექტროგადამცემ ბოძს შეეჯახა, რამაც კატასტროფა გამოიწვია.
