ფინანსთა სამინისტროს მომსახურების სააგენტოს 2010 წელს დადებითად აფასებს. უკე ცნობილია, რომ 2011 წლიდან სააგენტოს სახელმწიფო დაფინანსება უწყდება და ის თავად ხდება გადამხდელი სტრუქტურა.
მომსახურების სააგენტოს გენერალური დირექტორის, გრიგოლ ბაიბურთის განმარტებით, 2009 წელს სააგენტომ რეალიზაციიდან ბიუჯეტში 372 ათას 680 ლარი შეიტანა, ხოლო 2010 წელს 2 მლნ. 707 ათასი ლარი.
"მიმდინარე წელს სააგენტოში ბევრი ინოვაციური პროექტი განხორციელდა. შეიქმნა უნივერსალური საინფორმაციო პორტალი.
პირველად საქართველოში 2010 წლის მარტში ამოქმედდა ელექტრონული აუქციონები, რომელმაც საკმაოდ კარგი შედეგები აჩვენა. ცხრა თვის მანძილზე ჩატარდა 580 ელექტრონული აუქციონი, ასევე ამოქმედდა ინტერნეტ მაღაზია", - აცხადებს გრიგოლ ბაიბურთი.
მისი განმარტებით, სააგენტოს პროექტებს შორისაა "მოძრავი მაღაზია", რომელმაც რეგიონებში საკმაოდ დიდი მოწონება დაიმსახურა.
"აღნიშნული პროექტის საშუალებით უკვე რეგიონებშიც გახდა შესაძლებელი მოსახლეობისთვის სააგენტოს კუთვნილი ქონების შეძენა. სააგენტომ მაქსიმალურად გაამარტივა ყველ პროცედურადა ის გახდა ელექტრონული. სააგენტოს მიზანია ბიუროკრატიული ბერკეტების მოხსნა,"- აცხადებს გრიგოლ ბაიბურთი.