ცენტრალურ ჩილეში ტყის მასშტაბურ ხანძრებს სულ მცირე 123 ადამიანი ემსხვერპლა.
გამანადგურებელმა ხანძარმა მნიშვნელოვანი ზიარნი მიაყენა დასახლებულ პუნქტებს, გაანადგურა მთელი კვარტლები.
ჩილეს პრეზიდენტის გაბრიელ ბორიჩის განცხადებით, ქვეყანა "უდიდესი მასშტაბის ტრაგედიის წინააღმდეგ აღმოჩნდა".
პრეზიდენტმა ორშაბათს ორდღიანი ეროვნული გლოვა გამოაცხადა.
მძლავი ხანძარი ახლა ვალპარაისოს პროვინციის ქალაქებს ვალპარაისოსა და ვინა დელ მარსას ემუქრება. ეს ორი საპორტო ქალაქი დედაქალაქ სანტიაგოს დასავლეთით მდებარეობს და ტურისტებში მაღალი პოპულარობით სარგებლობს. მოსახლეობის საერთო რაოდენობა ამ ორ ქალაქში მილიონ ადამიანს აჭარბებს.
სააგენტო Reuters-ი წერს, რომ ქალაქ ვინა დელ მარის მიდამოებში ხანძრის გავრცელებას ხელს უწყობს ძლიერი ქარი და სიცხე.
შინაგან საქმეთა სამინისტროს შეფასებით, მთელ ქვეყანაში 160-ზე მეტი ტყის ხანძრის კერაა. მხოლოდ ვინა დელ მარისა და ქალაქ კვილპუეს რაიონებში, მარგა მარგას პროვინციაში, 1400 შენობა დაზიანდა.
ყველაზე მეტად დაზარალებულ რაიონებში ხელისუფლებამ ღამის კომენდანტის საათი დააწესა. მეხანძრეების დასახმარებლად სამხედროები გაგზავნეს. ხანძრის ჩაქრობაში ავიაციაა ჩართული.
