აშშ-მა და დიდმა ბრიტანეთმა იემენში ჰუსიტების ობიექტების წინააღმდეგ დარტყმები განახორციელეს. იუწყება Reuters
მედიის ცნობით, აშშ-მა და დიდმა ბრიტანეთმა იემენში ჰუსიტი მემბოხეებს ობიექტებზე იერიშები დიაწყეს. ეს ირანის მიერ მხადაჭერილი დაჯგუფების წინაღმდეგ პირველი დარტყმებია მას შემდეგ, რაც მან გასული წლის ბოლოს წითელ ზღვაში საერთაშორისო კომერციულ ხომალდებზე შეტევები დაიწყო.
ჰუსიტებმა, რომლებიც აკონტროლბენ იემენის დიდი ნაწილს, წითელ ზღვაში ხომალდებზე დარტყმები ტერორისტული დაჯგუფება „ჰამასის“ მხარდაჭერის დემონსტრირებისთვის დაიწყეს.
ამ თავდასხმებმა შეაფერხეს საერთაშორისო ვაჭრობა ევროპასა და აზიას შორის მთავარ მარშრუტზე, რომელიც გლობალური გადაზიდვების დაახლოებით 15%-ს შეადგენს.
მანამდე მედიამ გაავრცელა ინფორმაცია, რომ ბრიტანეთის პრემიერ -მინისტრმა რიში სუნაკმა იემენში ჰუსიტი მეამბოხეების წინააღმდეგ შეერთებულ შტატებთან ერთობლივი სამხედრო დარტყმების განხორციელებას მხარი დაუჭირა. გადაწყვეტილება მისმა კაბინეტმა დაამტკიცა, რადგან მოკავშირეები ცდილობენ თავიდან აიცილონ შემდგომი თავდასხმები კომერციულ გემებზე წითელ ზღვაში.
Bloomberg-ის წყაროს ცნობით, სუნაკის მინისტრთა კაბინეტმა აღნიშნულ გადაწყვეტილებას მხარი 11 იანვარს დაუჭირა, რის შემდეგაც ავიადარტყმები შესაძლებელია რამდენიმე საათის გამავლობაში გაგრძელდეს.
