საქართველო ევრობონდების დასაფარად მზად არის, თუმცა მისი გადახდა 2013 წელს უნდა მოხდეს.
ამის შესახებ საქართველოს ფინანსთა მინისტრმა კახა ბაინდურაშვილმა წლის შემაჯამებელ ბრიფინგზე აღნიშნა.
"რაც შეეხება ვალების მომსახურებას. ყოველწლიურად მთელ სახელმწიფო ბიუჯეტთან მიმართებაში 3-დან 5% გამოიყოფა, რაც ძალიან დაბალი მაჩვენებელია მსოფლიოს სხვა ქვეყნებთან შედარებით. თვითონ ევრობონდის გადახდა ეს არის ნახევარი მილიარდი დოლარი, რომელიც საქართველომ უნდა დაფაროს 2013 წელს, თუმცა ამისთვის ქვეყანა აბსოლუტურად მზად არის. სამი წლით ადრე, რომ ვისაუბროთ ეს თანხა ახლავე ხელმისაწვდომი ჩანს, რადგან დღესაც კი ქვეყანას ერთ მილიარდამდე ნაშთი გააჩნია. დამატებითი რესურსების მოზიდვის გარეშეც, რომ დაუდგეს ქვეყანას ამისთვისაც ჩვენ მზად ვართ, თუმცა ახლა პრაქტიკულად ვსაუბრობ არარეალურ სცენარზე, რადგან ევრობონდების გადახდა ასე არ ხდება", - აღნიშნა ბაინდურაშვილმა.
მინისტრის თქმით, როდესაც რაღაცა პერიოდით ადრე ქვეყანა უშვებს ევრობონდს, ამ შემთხვევაში ნარჩუნდება საკრედიტო ნიშნული, რაც შემდგომში კომერციულ ბანკებს და კერძო კომპანიებს უადვილებს უცხოურ ბაზარზე გასვლას.
"თუ სახელმწიფოს არ ექნება ასეთი ბეჩმარკი ან ევრობონდი ბაზარზე მათთვის გაცილებით რთული იქნება უცხოური სესხების ხელმისაწვდომობა. ჩვენი მიზანია ეს ბეჩმარკი არსებობდეს. რაც შეეხება სამომავლო სტრატეგიას, ახლა ხუთწლიანი ევრობონდი გვაქვს და რაც უფრო გრძელვადიანი იქნება ის, უფრო მეტად მნიშვნელოვანია და ეს პირდაპირ გადაითარგმნება გრძელვადიან სესხებში", - დასძინა კახა ბაინდურაშვილმა.
ფინანსთა მინისტრის განმარტებით, როდესაც ქვეყანას ხუთწლიანი სესხი აქვს ნაკლებად მოიძებნება უცხოური კომპანია, რომელიც ქართულ კომერციულ ბანკებს უფრო გრძელვადიან სესხს ანდობს, ეს კი იმაზე აისახება, რომ მოსახლეობას ისეთი გრძელვადიანი სესხებით სარგებლობის საშაუალება არ მიეცემა, როცა ეს საზღვარგარეთის ქვეყნებშია.
"ჩვენი ამოცანაა გავაგრძელოთ ჩვენი სესხის გრძელვადიანობა, რაც ქვეყანაში შექნის გრძელვადანი სესხის საშუალებას. ამას კი კერძე სექტორის განვითარებისთვის სასიცოცხლო მნიშვნელობა აქვს", - აღნიშნა მან.
