საქართველოს ფინანსთა მინისტრმა კახა ბაინდურაშვილმა 2010 წლის მუშაობის შედეგები შეაჯამა.
როგორც მინისტრმა დღეს გამართულ პრესკონფერენციაზე აღნიშნა, იმის გათვალისწინებით, რომ 2009 წელს შემცირდა ეკონომიკა და -4% ვარდნა იყო, მთავრობის ნომერ პრიორიტეტი მიმდინარე წელს ყველა ინსტრუმენტის გამოყენებით ეკონომიკის ამუშავება და მისი ზრდა იყო.
"თავდაპირველად ზრდა დაგეგმილი იყო 2%-თ, მაგრამ დღეს უკვე ჩვენ 6%-იანი ზრდა გვაქვს, რაც უკვე შემდგარი ფაქტია და თავდაპირველ პროგნოზს 4%-ით აღემატება, რაც იმის მაჩვენებელია, რომ ეკონომიკა სწრაფად ამუშავდა. ყველა უცხოელი ექსპერტი აღნიშნავს, რომ ჩვენს რეგიონში საქართველოს ეკონომიკამ ერთ-ერთ ყველაზე წარმატებულად დასძლია მსოფლიო ეკონომიკური კრიზისი და მისგან გამოწვეული ნეგატიური შედეგები", - აღნიშნა ბაინდურაშვილმა.
მისვე შეფასებით, ეკონომიკის ზრდის მისაღწევად ერთ-ერთი მნიშვნელოვანი ადგილი სახელმწიფო ინვესტიციებს ეკავა.
"ეს არის ის საერთაშორისოს დახმარება, რომელიც ჯერ კიდევ 2008 წელის ბრიუსელის კონფერენციის დროს საქართველოს დაპირდა საერთაშორისო თანამეგობრობა და რომელის ათვისებაც ჯერ კიდევ მიმდინარებს. დაახლებით 4 მილიარდის რესურსია უკვე ხელმოწერილი. ეს პროცესი მომდევნო წლის პირველ ნახევარში ერთი წლით ადრე სრულდება და ამ თანხების შემოსვლამ საშუალება მოგვცა, რომ ის დეფიციტი, რომელიც გამოწვეული იყო პირდაპირი უცხოური ინვესტირების ნაკლებობით შეგვევსო და უცხოური შემოდინებები, რაც სჭირდება ქვეყნის ეკონომიკას აქედან გაჩნდა, რითაც შეინარჩუნა ეკონომიკური აქტივობები და 2010 წელს გაზარდა კიდეც", - განმარტავს ფინანსთა მინისტრი.
მისვე თქმით, ფინანსთა სამინისტროსთვის მიმდინარე წელს ერთ-ერთ პრიორიტეტად ფისკალური სტაბილიზაციის შენარჩუნება რჩებოდა, რადგან 2009 წელს ეკონომიკის სტიმულირების დაწყება ნიშნავდა, რომ ქვეყანას უნდა ჰქონოდა მაღალი დეფიციტი.
"ჩვენ დაახლოებით 10%-მდე დეფიციტი გვქონდა გასულ წელს, შემდეგ ეს დეფიციტი ჩამოვიყვანეთ 7,4%-ზე. ჩვენი ამოცანა იყო ეკონომიკის სტიმულირებასთან ერთად ფისკალური სტაბილურობა დაგვებრუნებინა, რაც განხორცილდა კიდეც და დეფიციტი უკვე 6%-მდე შემცირებული, 4%-იანი შემცირება, რაც კარგ მიღწევად შეიძლება ჩაითვალოს", - აღნიშნვას ბაინდურაშვილი.
ფინანსათა მინისტრმა დღევანდელ პრესკონფერენციაზე ასევე ყურადღება გაამახვილა საქართველოს საერთაშორისო მიღწევებზე, კერძოდ კი ბაინდურაშვილის თქმით, 2010 წელს Moody's საკრედიტო რეიტინგის მიხედვით ქვეყანა BB- ზღვარს დაუბრუნდა, როლიშიც 2008 წლის რუსეთთან ომამდე და მსოფლიო ეკონომიკური კრიზისის დაწყებამდე იმყოფებოდა.
წელსვე ბიზნესის კუთხით საქართველო მსოფლიოში ნომერ პირველ რეფორმატორად და ყველაზე ნაკლებ კორუფციულ ქვეყნად დასახელდა.