თელეთში მშენებარე აგრარული ბაზარი დღეს, სოფლის მეურნეობის მინისტრმა ბაკურ კვეზერელმა და თბილისის საკრებულოს თავმჯდომარის პირველმა მოადგილემ მამუკა ახვლედიანმა მოინახულეს.
მინისტრის შეფასებით, მსგავსი საბითუმო სავაჭრო ობიექტების მოწყობა ძალიან მნიშვნელოვანია, რათა მომხმარებელს საშუალება ჰქონდეს ფერმერისგან, პირველი ხელიდან მიიღოს პროდუქცია და მათ საშუალება ჰქონდეთ ხარისხიანი პროდუქტის შეძენის.
ამასთან, დედაქალაქის საკრებულოს თავმჯდომარის პირველი მოადგილის მამუკა ახვლედიანის შეფასებით, თელეთის აგრარულ ბაზარს თბილისელებისთვის დიდ მნიშვნელობა აქვს, მითუმეტეს, რომ ობიექტის დასრულების შემდეგ დამატებითი სამუშაო ადგილები გაჩნდება.
თელეთის აგრარული ბაზრის მშენებლობის დასრულება მომავალი წლის აპრილში იგეგმება, სადაც სასაკლაოც მოეწყობა. მომხმარებელს საშუალება ექნება პროდუქცია, როგორც საცალო ასევე საბითუმოდ შეიძინოს. ბაზარში 500 ადამიანი დასაქმდება.
