მობილური ოპერატორი კომპანია ბილაინი საქართველოს რამდენიმე რეგიონში აბონენტთა მომსახურების რამდენიმე ოფისს ერთდროულად ხსნის. ახალი ოფისები ბაკურიანსა და გუდაურში 25 დეკემბერს, რუსთავში 26 დეკემბერს, ხოლო ფოთში 28 დეკემბერს გაიხსნება.
ბილაინის ახალი ოფისებში მსურველს შესაძლებობა ექნება მიიღოს ნებისმიერი ტიპის მაღალხარისხიანი მომსახურება. ბილაინის გაყიდვების და აბონენტთა მომსახურების ცენტრები ადგილობრივი მოსახლეობით იქნება დაკომპლექტებული. სულ დასაქმდება 20-მდე ადამიანი.
"ბილაინის წინასაახალწლო აქციამ განსაკუთრებული ინტერესი გამოიწვია საქართველოს ყველა რეგიონში. როგორც აღმოჩნდა, ტელეფონი ბილაინისგან, ზედ დარიცხული საჩუქრებით, რომელსაც აბონენტი მთელი 2011 წლის განმავლობაში მიიღებს, ერთ-ერთი ყველაზე კარგი წინასაახალწლო საჩუქარი აღმოჩნა, ძვირფასი ადამიანებისთვის. კომპანია ბილაინის აბონენტთა ბაზა ყოველდღიურად იზრდება და ჩვენც, შესაბამისად ვცდილობთ უფრო მეტი კომფორტის შექმნას ჩვენი აბონენტებისთვის. ამჯერად, მხოლოდ ერთი კვირს განმავლობაში, 4 რეგიონში გაიხსნება ბილაინის გაყიდვებისა და მომსახურების ცენტრს, სადაც ბილაინის აბონენტებს სასიამოვნო გარემო და მაღალხარისხიანი მომსახურება დახვდებათ. როგორც ყოველთვის, ჩვენს აბოენენტებს, სპეციალურად მათთვის შექმნილ პირობებს შევთავაზებთ, რათა მაქსიმალურად ხელმისაწვდომი და სასიამოვნო გახდეს მათთვის ჩვენი სერვისით სარგებლობა", - განაცხადა ბილაინის საზოგადოებასთან ურთიერთობის მენეჯერმა თეონა ბაღდავაძემ.
"ვიმპელკომის" კომპანიების ჯგუფში შედის კავშირგაბმულობის ოპერატორები, რომლებიც მომსახურებას უწევენ ხმოვან კავშირსა და მონაცემების გადაცემას უსადენო და ფიქსირებული კავშირის ტექნოლოგიების ფართო სპექტრის საფუძველზე და ასევე უზრუნველყოფენ ინტერნეტში ფართოსპექტრიან ხელმისაწვდომობას. "ვიმპელკომის" ჯგუფში შედიან კომპანიები, რომლებიც ახორციელებენ ოპერაციებს რუსეთში, ყაზახეთში, უკრაინაში, ტაჯიკეთში, უზბეკეთში, საქართველოსა და სომხეთში, ასევე ვიეტნამსა და კამბოჯაში. "ვიმპელკომის" კომპანიების ჯგუფის ლიცენზიები
მოიცავს ტერიტორიას მოსახლეობის საერთო რაოდენობით 340 მლნ ადამიანი. მომსახურების გაწევა ხორციელდება "ბილაინის" ბრენდით.
