ადიშის ხეობაში ერთ-ერთ სოფელზე საერთაშორისო ტენდერი გამოცხადდება. ინიციატივა საქართველოს პრეზიდენტ მიხეილ სააკაშვილს ეკუთვნის, რომლითაც ის მესტიაში, მთავრობის დღევანდელ გასვლით სხდომაზე გამოვიდა.
"ადიშის ხეობაში გავაკეთოთ პატარა ეკოლოგიური სოფელი და მასზე ტენდერი გამოვაცხადოთ მსოფლიო მასშტაბით. დარწმუნებული ვარ, მასში მონაწილეობაზე არც ერთი უცხოელი არქიტექტორი არ იტყვის უარს", - განმარტა სააკაშვილმა.
ქვეყნის პირველმა პირმა მესტიაში გამართულ მთავრობის სხდომაზე მადლობა გადაუხადა ტურიზმის დეპარტამენტს (ძალიან კარგი იდეებისთვის) და საქაერო ნავიგაციას (აეროპორტისა და გზების რეკორდულად სწრაფ ტემპში და კარგად გაკეთებისთვის).
აღსანიშნავია ისიც, რომ სვანეთში წყლისა და საკანალიზაციო სისტემის მშენებლობა აპრილის დასაწყისში (თოვლის გადნობის შემდეგ) დაიწყება და იმავე წელს დასრულდება.