საქართველოს პრეზიდენტმა მიხეილ სააკაშვილმა, ეკონომიკისა და მდგრადი განვითარების მინისტრს, ვერა ქობალიას, მესტიისთვის ცალკე სამაშველო ჯგუფის ჩამოყალიბება დაავალა.
სააკაშვილის განცხადებით, კურორტებზე სამაშველო ფუნქციას შინაგან საქმეთა სამინისტრო ვერ შეითავსებს.
"ეს არის ტურიზმზე ორიენტირებული სამსახური, ამიტომ უნდა იყოს ეკონომიკის სამინისტროს პატარა შენაერთი, რომელიც კოორდინაციაში იქნება სხვა სამაშველო სამსახურებთან", - აღნიშნა სააკაშვილმა მესტიაში გამართულ მთავრობის სხდომაზე.
ქობალიას განცხადებით, სამაშველო პროგრამასთან დაკავშირებით საფრანგეთის ხელისუფლებასთან მოლაპარაკებები დასრულებულია და იანვარში საქართველოში ათკაციანი, ხოლო თებერვალში ოცკაციანი ჯგუფი ჩამოვა.
