დღეს, 12:00 საათზე, სპორტისა და ახალგაზრდობის საქმეთა სამინისტროს ხელშეწყობით სამოქალაქო განვითარების სააგენტო ქალაქ რუსთავში სპორტულ მარათონს და ფოტო-გამოფენას მოაწყობს. ღონისძიებაში იძულებით გადაადგილებული ახალგაზრდა პირები მიიღებენ მონაწილეობას.
მარათონი სტარტს „გამარჯვების ხეივანიდან" (ე.წ. „ახალი რუსთავის" ბოლო) აიღებს და რუსთავის დრამატული თეატრის წინ (ფიროსმანის ქ. #7) დასრულდება. გამარჯვებულთა დაჯილდოვების ცერემონია დღესვე 13:00 საათზე რუსთავის დრამატული თეატრის ფოეში გაიმართება.
სპორტული მარათონი ახალგაზრდებში ცხოვრების ჯანსაღი წესის პოპულარიზაციას ისახავს მიზნად. მარათონში შაუმიანის, კოდასა და რუსთავში მცხოვრები იძულებით გადაადგილებული ახალგაზრდები მიიღებენ მონაწილეობას.
სპორტული მარათონის პარალელურად, რუსთავის მაცხოვრებლებისა და ქალაქის სტუმრებისათვის ფოტო-გამოფენა - „ჩემი ახალი მეზობელი გაიმართება".
სპორტული მარათონი დაფინანსებულია ევროკავშირის მიერ პროექტ „იძულებით გადაადგილებული პირების სოციო-ეკონომიური ინტეგრაციის ხელშეწყობა ქვემო ქართლში".
მასალის გამოყენების პირობები