გამოცდების ეროვნული ცენტრის დირექტორი მაია მიმინოშვილი და ცენტრის წარმომადგენლები 14:00 საათზე გურჯაანისა და ყვარელის რაიონის მოსწავლეებს და პედაგოგებს შეხვდებიან.
შეხვედრის მიზანია მოსწავლეთათვის საატესტატო გამოცდების შესახებ დეტალური ინფორმაციის მიწოდება, პედაგოგები კი დაწყებითი კლასების მასწავლებელთა სასერტიფიკაციო გამოცდებთან დაკავშირებით მიიღებენ ინფორმაციას.
შეხვედრა გურჯაანში (სოფელ გურჯაანის სკოლა) 24 დეკემბერს შედგება, ყვარელში კი (ყვარელის კულტურის სახლი) - შაბათს, 25 დეკემბერს. შეხვედრები 14:00 საათისთვისაა დაგეგმილი.
შეხვედრას დაესწრებიან მე-12 კლასის მოსწავლეები, ასევე დაწყებითი კლასების პედაგოგები - 2011 წელს პირველად ტარდება სასერტიფიკაციო გამოცდა დაწყებითი კლასების პედაგოგებისათვის.
2011 წელს მე-12 კლასის მოსწავლეები 8 გამოცდას საკუთარ სკოლებში, კომპიუტერულად, ჩAთ-ის სისტემით ჩააბარებენ. დეკემბრის თვეში, საცდელი ტესტირებების შემდეგ, გამოცდების ეროვნული ცენტრის ვებგვერდზე ტესტური დავალებების ნიმუშები განთავსდება.
