საქართველოს პრეზიდენტ მიხეილ სააკაშვილის შეფასებით, "ვარდების რევოლუციით" ჩვენი ისტორიის ერთ-ერთი ყველაზე დიდი ეპოქა დაიწყო.
"ეს იყო ქართველთა ევროპული ფასეულობების ნამდვილი ტრიუმფი, არა მხოლოდ ცალკე აღებული მოვლენა, არამედ ძალიან მნიშვნელოვანი პროცესების დასაბამი, რომელიც რეალურად ჩვენს ქვეყანაში მიმდინარეობს... ნამდვილი რევოლუცია საქართველოში 2003 წლის 23 ნოემბერს კი არ დამთავრდა, მაშინ დაიწყო და ახლა უფრო მეტი ტემპით გრძელდება", - განაცხადა პრეზიდენტმა "ვარდების რევოლუციის" იუბილესთან დაკავშირებით საჯარო ბიბლიოთეკაში საზეიმო მიღებაზე.
მისივე განმარტებით, "ვარდების რევოლუცია" ემსახურებოდა იმას, რომ ლიდერებზე მეტად ხალხმა აიღოს ქვეყანაზე ძალაუფლება და სწორედ ის გახდეს სახელწმიფოს ბატონ-პატრონი.
"ეს იყო ერთადერთი სწორი გზა, რომელსაც მაშინ დაადგა ქართული საზოგადოება და მიუხედავად ემბარგოებისა, ინტერვენციების, პროვოკაციებისა და ოკუპაციისა, მინდა სიამაყით განვაცხადო, რომ ეს გზა შეუქცევადია", - განმარტა სააკაშვილმა.
