კობა სუბელიანის უწყება პოლიტიკოსთა გარკვეულ ჯგუფს დევნილი საზოგადოების შეცდომაში შეყვანის მცდელობაში ადანაშაულებს.
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო ოპოზიციონერი პოლიტიკოსების იმ განცხადებას ეხმაურება, რომელშიც ისინი ამტკიცებენ, რომ ერთ-ერთ დევნილს - ნანა ფიფიას უწყების მაღალჩინოსნებმა "ბალახის ჭამა" ურჩიეს.
"პოლიტიკოსთა გარკვეული ჯგუფი ცდილობს დევნილი საზოგადოების შეცდომაში შეყვანას იმით, რომ ავრცელებს ინფორმაციას, თითქოს, დევნილ ქალბატონს სამინისტროს ერთ-ერთმა თანამშრომელმა ბალახის ჭამა ურჩია. ეს არის სრული სიცრუე, ცილისწამება და აბსურდი. პოლიტიკოსებს მოვუწოდებთ, ნუ ჩაიგდებენ თავს უხერხულ მდგომარეობაში, ცილს ნუ სწამებენ სამინისტროს თანამშრომლებს და ნუ შეურაცხყოფენ დევნილებს მსგავსი განცხადებებით, რადგან, მგავსი ფაქტი არ ყოფილა", - ნათქვამია სუბელიანის უწყების განცხადებაში.