პრეზიდენტი მიხეილ სააკაშვილი პოლიტიკური ოპოზიციის მიერ "ვარდების რევოლუციის" სცენარის განმეორების მცდელობებს "უბადრუკ იმიტაციად" აფასებს.
"ლიბერალური და თავისუფალი, დემოკრატიული რევოლუციის მოწყობა არ არის მხოლოდ დროშების ქნევა, მანქანებში ბენზინის ჩასმა, ქვეყნის სხვა რეგიონებში წასვლა, მცხეთაში გამოვლა და იქედან გადაღება იმის, როგორ შემოდის მანქანების კოლონა ქალაქში - ეს ერთხელ "ვარდების რევოლუციის" დროს ვნახეთ, შემდეგ კი ვნახეთ სხვადასხვა პოლიტიკური ძალების მიერ ამის გამეორების ბევრი უბადრუკი იმიტაცია", - განაცხადა სააკაშვილმა "ვარდების რევოლუციის" იუბილესთან დაკავშირებით საჯარო ბიბლიოთეკაში გაკეთებულ განცხადებაში.
მისივე განმარტებით, "ყველაფრის იმიტაცია ყოველთვის შედეგის მომტანი არ არის".