იორდანიის სამხედრო-საჰაერო ძალებმა ღაზის სექტორს სამედიცინო დახმარება პარაშუტების გამოყენებით მიაწოდეს. ამის შესახებ იორდანიის მეფე აბდულა X (Twitter)-ში წერს.
მისი თქმით, დახმარების მიწოდება ღაზაში ღამის საათებში განხორციელდა. სამედიცინო ინსტრუმენტები და მედიკამენტები იორდანიულ საველე ჰოსპიტალში პარაშუტების დახმარებით გაიგზავნა.
„ეს ჩვენი ვალია - დავეხმაროთ ჩვენს ძმებსა და დებს, ღაზაში ომის შედეგად დაზარალებულებს. ჩვენ ყოველთვის ვიდგებით ჩვენი პალესტინელი ძმების გვერდით“,- წერს მეფე აბდულა.
